ABŞ Prezidenti Donald Tramp Ukrayna Prezidenti Volodimir Zelenskinin müharibənin sülh yolu ilə başa çatdırılmasında maraqlı olmadığını iddia edib.
Gununsesi.info xəbər verir ki, Tramp bu barədə “Newsmax” telekanalına müsahibəsində bildirib.
“O, münaqişənin həllini istədiyini deyir, amma əslində istəmir. Mən Zelenskinin böyük pərəstişkarı deyiləm. Onlar bu ölkəni məhv ediblər”, – Amerika lideri deyib.
Tramp Ukraynada prezident seçkilərinin keçirilməsinin vacibliyini də vurğulayıb.
“Məncə, bizə seçkilər lazımdır. Açığı, Zelenskinin artıq çox uzun müddətdir orada olduğunu düşünürəm”, – o qeyd edib.
ABŞ Prezidentinin sözlərinə görə, Ukrayna müharibəni başa çatdırmaq istəyirsə, seçkilərin keçirilməsi məsələsinə baxmalıdır.
“Məncə, bunun vaxtı çatıb. Əgər onlar münaqişəni həll etmək istəyirlərsə”, – Tramp əlavə edib.
