Mühafizəkar Səudiyyə Ərəbistanı bu il Meksikada keçiriləcək “Miss Universe” gözəllik müsabiqəsinə namizəd göndərə bilər.
Gununsesi.info bu barədə xarici mediaya iatinadən bildirir.
Səudiyyəli model və sosial media fenomeni Rumi əl Kahtani deyib ki, müsabiqə komitəsi “Kainat gözəli” müsabiqəsində iştirak etmək üçün onunla əlaqə saxlayıb və müzakirələr hələ də davam edir.
Müsabiqənin beynəlxalq əlaqələr üzrə koordinatoru Maria Xose Undanın verdiyi açıqlamaya görə, sentyabr ayında Meksikada keçiriləcək tədbirdə Səudiyyə Ərəbistanının da rəqib ola biləcəyi namizədi müəyyən etmək üçün hərtərəfli araşdırma aparıldığı bildirilib. Səudiyyəli model Rumi əl Kahtani martın sonunda yüz minlərlə İnstaqram izləyicisi ilə Səudiyyə Ərəbistanını Miss Universe-də təmsil etməkdən “qürur duyduğunu” paylaşdıqdan sonra açıqlama verib. Bir həftə keçməmiş Miss Universe, Körfəz krallığında heç bir dinləmə prosesinin olmadığını bildirərək Kahtani-nin yazısının “yanlış və yanıltıcı” olduğunu söylədi. “Kainat gözəli” namizədinin Səudiyyə Ərəbistanından getməsi vəliəhd şahzadə Məhəmməd bin Salmanın turistləri və investorları cəlb etmək və Səudiyyə Ərəbistanının ultra-mühafizəkar imicini yumşaltmaq səylərində daha bir addım ola bilər.
Dünyanın ən böyük xam neft ixracatçısı olan Səudiyyə Ərəbistanında qadınlara avtomobil sürmək qadağan edilmişdi.
Bu məhdudiyyətlər aradan qaldırılsa da, hüquq müdafiəçiləri 2022-ci ildə qüvvəyə minən şəxsi status qanununun hələ də qadınlara qarşı ayrı-seçkilik olduğunu deyirlər.
Günay
Gununsesi.info
