Türkiyədə yaşayan azərbaycanlı iş adamı Mübariz Mənsimov xəstə yatağında olan atası Qurban kişi haqqında qeydlər yazıb. Gununsesi.info bildirir ki, Mənsimov “Atalar Günü” münasibətilə yazısında təsirli sözlər yazıb.
Sənin əlini sıxıb, üzündən öpüb, Səni qucaqlayıb bağrıma basaraq bugünkü Atalar günü münasibətilə təbrik etmək istərdim. Sən mənə həyat vermisən, Sən mənə həyatda kişi kimi yaşamağı, haqqı nahaqqa verməməyi öyrətmisən. Övlad kimi, insan kimi nə əldə etmişəmsə, hamısı Sənin zəhmətinin bəhrəsidir. Amma mən bu sözləri yazmaq yox, Sənin nurlu üzünə demək istəyirəm. Səni Atalar günü münasibətilə təbrik edərkən Sənin zəhmətdən qabar bağlayan əllərindən öpmək istəyirəm. Sənin timsalında bütün Ataları təbrik edirəm. Yalnız bir arzum var hər kəsə: Atalarınızın qədrini sağlıqlarında bilin.
