Medveded Ukraynada hərbi əməliyyatlar zamanı ölən hər bir NATO əsgəri üçün maksimum mükafat verməyə çağırıb.
Gununsesi.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev sosial şəbəkə hesabında qeyd edib.
“Əsir götürməyin! Öldürülən, partladılan və ya yandırılan hər bir NATO üzvü üçün maksimum bonus vermək lazımdır”-deyə o əlavə edib.
Medvedevin sözlərinə görə, NATO əsgərlərinə “Hitlerin SS-ləri kimi cəza verənlər” kimi yanaşmaq lazımdır:
“İndi NATO ölkələrinin liderləri Ukraynaya heç bir müdaxilənin planlaşdırılmadığını iddia edirlər. Bu yolla Qərb öz vətəndaşlarını sakitləşdirməyə və Rusiyanı “sülh niyyətlərinə” inandırmağa çalışır. Bunlar bütün dünyanı axmaq kimi qəbul edən tamamilə dəli varlıqlardır! Onlar bizimlə döyüşən nizami qüvvələrin bir hissəsi olacaqlar. Ona görə də onlara ancaq düşmən kimi baxmaq olar” – Medvedev vurğulayıb.
Qeyd edək ki, Polşanın xarici işlər naziri Radoslav Sikorski bir müddət əvvəl NATO ölkələrinin Ukraynada birgə missiya yaratdığını bildirmişdi.
Şəbnəm
Gununsesi.info
