“Kremlin açdığı müharibə təkcə Ukraynada döyüş meydanında getmir. Vladimir Putin bunu dəfələrlə kollektiv Qərbə qarşı müharibə adlandırıb”.
Gununsesi.info xəbər verir ki, bunu Çexiyanın nəqliyyat naziri Martin Kupka müsahibəsində bildirib ki.
Onun sözlərinə görə, qarşıdurma, digər məsələlərlə yanaşı, Rusiyanın Avropada kritik infrastrukturun işini qeyri-sabitləşdirmək istəyində də görünür:
“Son iki il ərzində Rusiya Çexiyada dəmir yolu əlaqəsini pozmağa “minlərlə cəhd” edib. Bunlara siqnalizasiya sistemlərinə və milli operator “České dráhy”-nin dəmir yolu şəbəkəsinə haker hücumları və bilet satışı sistemlərini söndürmək istəyi daxildir. Bu, şübhəsiz ki, çətin bir vəziyyətdir, lakin mən bütün sistemləri uğurlu hücumlardan qoruya bildiyimiz üçün çox şadam” – deyə nazir vurğulayıb.
Keçən il Çexiya kibertəhlükəsizlik agentliyi NUKIB-in hesabatında “energetika və nəqliyyat sektorlarında artan sayda zərərli hücumlar” göstərilib.
“Rusiyayönlü haker qrupları” Latviya, Litva, Rumıniya, Estoniya və Çexiyanın dəmir yolu sistemlərinə, eləcə də İtaliyanın nəqliyyat təşkilatlarına böyük hücumlar həyata keçirib, Aİ-nin Kibertəhlükəsizlik Agentliyi ötən il hesabatında qeyd edib. Onun sözlərinə görə, Rusiyanın Ukraynaya müdaxiləsi ilə bağlı Aİ-də həm dəmir yolu şirkətlərinə, həm də hava limanlarına haker hücumlarının sayı artıb”-deyə hesabatda bildirilib.
Dəmir yollarını sarsıtmaq cəhdləri təkcə kiberməkanla məhdudlaşmır. Keçən il Polşada Ukraynaya silah tədarükü haqqında məlumat toplayan və təxribat planlaşdıran bir casus qrupu da üzə çıxmışdır.
Qeyd edək ki, Polşa kəşfiyyatının noyabr ayında verdiyi məlumata görə, təyin edilmiş 16 nəfərin vəzifəsinə hərbi qurğuların mühüm infrastrukturun müəyyən edilməsi, Ukraynaya hərbi və humanitar yardım aparan qatarların izlənməsi və onların qəzalarının təşkili daxildir.
Şəbnəm
Gununsesi.info
