Tokioda Stiv Li Heyz adlı 65 yaşlı amerikalı Meiji-Jingu Şinto məbədindəki taxta sütunda soyadını dırnaqları ilə cızdığına görə həbs edilib.
Gununsesi.info xəbər verir ki, bu barədə The Japan Times məlumat yayıb.
Hadisə noyabrın 13-də baş verib. Nəşrin məlumatına görə, 65 yaşlı Stiv Li Heyz Tokionun ən böyük Şinto ziyarətgahının taxta qapısına ziyan vurmaqda şübhəli bilinərək hüquq-mühafizə orqanları tərəfindən saxlanılıb.
Bildirilir ki, o ziyarətgahın qapısında qohumlarının adlarını cızıb.
Onun şəxsiyyəti təhlükəsizlik kameralarından qeydə alınıb.
Müəyyən edilib ki, kişi ölkənin görməli yerlərini gəzmək üçün həftənin əvvəlində qohumları ilə birlikdə Yaponiyaya uçub.
