İsveçdə koronavirus epidemiyasına baxmayaraq, sosial məsafə qaydalarının tətbiq olunmaması, restoran və barların məhdudiyyətsiz fəaliyyət göstərməsinin tənqid mövzusuna çevrildiyi bir zamanda tək nəfərlik bir restoranın açılması diqqətləri cəlb edib.
Gununsesi. “Qafqazinfo”ya istinadən xəbər verir ki, boş ərazidə bir masadan ibarət olan yeni restoranın gündə bir nəfərə xidmət göstərəcəyi bildirilib.
“Bord för En”, yəni “Bir Masa” adlandırılan restoranın mayın 10-da açılacağı və avqustun 1-nə qədər xidmət göstərəcəyi qeyd olunub.
Qeyd edək ki, İsveçdə 19 621 nəfər koronavirusa yoluxub, onlardan 2 355-i xəstəlik səbəbindən həyatını itirib.
COMMENTS