Sentyabrın 1-dən etibarən ukraynalı qaçqınlara verilən həftəlik sosial yardım ödənişləri 232 avrodan 38,80 avroya endiriləcək.
Gununsesi.info xarici mediaya istinadən xəbər verir ki, İrlandiya hökuməti Ukraynadan olan qaçqınlara sosial yardım ödənişlərini azaldacağını açıqlayıb.
İrlandiya hökuməti sosial müavinətlərin azaldılmasını ölkəni əksər Avropa İttifaqı ölkələri ilə uyğunlaşdırdığını desə də, əleyhdarlar bunun daha çox yoxsulluq, xüsusilə də uşaqlara təsir edəcəyinə inanırlar.
“Bunun ilk nəticəsi, bu ölkədə uşaq yoxsulluğunun kəskin artması olacaq” -deyə Xalq Koalisiyasından Teachta Dala Paul Murphy Euronews-a bildirib.
İrlandiya parlamentinin üzvü isə bunu hökumətin kinli addımı kimi dəyərləndirib:“Biz bilirik ki, buradakı ukraynalı qaçqınların böyük əksəriyyəti qadınlar və uşaqlardır. Ona görə də bu, həqiqətən də iyrənc addımdır”.
Rusiya- Ukrayna münaqişəsindən sonra 80 000-ə yaxın ukraynalı İrlandiyaya köçsə də, ödənişlər 19 000 qaçqına təsir edəcək.
Yeni qərarla İrlandiya ev sahibliyi edən qaçqınların həftədə 47,60 avro, evsiz qaçqınların isə 99,40 avro aldığı Fransada ödənişlərə yaxınlaşacaq.
Almaniyada vətəndaşın gəliri ayda 563 avro təşkil etdiyi halda, uşaqlar üçün ödəniş ayda 471 avro və ya həftədə 120 avrodan bir qədər azdır.
Fine Gael Partiyasından senator Barry Ward Euronews-a deyib ki, bu qərar bizi Aİ-dəki avropalı həmkarlarımızla bərabər vəziyyətə gətirmək və həmçinin müvəqqəti müdafiədə olan bütün ukraynalıların eyni iqtisadi səviyyədə olmasına əmin olmaq üçün qəbul edilib:”Bu o deməkdir ki, İrlandiyaya nə vaxt gəlməyinizdən asılı olmayaraq hər kəs eyni məbləği alacaq”.
Bildirilir ki, qərar çox güman ki, bir çox qaçqını İrlandiyaya köçməkdən çəkindirəcək, çünki İrlandiya iqtisadiyyatında mənzil çatışmazlığı hökumətin həll etməli olduğu çətin problem olaraq qalır.
İrlandiya hökumətinin bu qərarı, güclü bir mesaj verir ki, bir vaxtlar Ukraynadan olan qaçqınlar İrlandiyada daha isti qarşılansa da, artıq bu qəbul əvvəlki kimi sevgi dolu olmayacaq.
Şəbnəm
Gununsesi.info
