DİN-nin Baş Mütəşəkkil Cinayətkarlığa Qarşı Mübarizə İdarəsi tərəfindən həbs edilən dunyaninsesi.az saytının rəhbəri Ərşad İbrahimovun həbsindən Avropa İnsan Hüquqları Məhkəməsinə şikayət edilib.
Bu barədə Gununsesi.info-ya jurnalistin vəkili Elçin Sadıqov bildirib.
Vəkilin sözlərinə görə, 2023-cü ilin sonunda Gəncə şəhərində tutularaq Bakıya gətirilən Ərşad İbrahimov bir neçə il əvvəl hədə-qorxu ilə tələb etmə cinayətində ittiham olunub: “Həbsin qanunsuz olması səbəbilə ölkədəki instansiya məhkəmələrini keçib Avropa İnsan Hüquqları Məhkəməsinə müraciət etdik”.
Vəkil deyib ki, Ərşad İbrahimov Avropa Şurasının 2023-cü ildə həbs edilən jurnalistlərlə bağlı hesabatına da daxil edilib.
Jurnalist hazırda Gəncə Ağır Cinayətlər Məhkəməsində mühakimə olunur.
Elmar
Gununsesi.info
