2023-cü ilin sonuna dövlət büdcəsinin gəlirlərinin 33 milyard 890,5 milyon manat təşkil edəcəyi gözlənilir ki, bu da ilkin təsdiq edilmiş proqnoz göstəricisinə nəzərən 10,1 % çoxdur.
Gununsesi.info xəbər verir ki, bu barədə Maliyyə Nazirliyi məlumat yayıb.
Bildirilib ki, dövlət büdcəsinin gəlirlərinin 52,3 %-i və ya 17 milyard 739,7 milyon manatı neft-qaz sektorunun, 47,7 %-I vəya 16 milyard 150,8 milyon manatı qeyri-neft-qaz sektorunun payına düşür.
2023-cüilin ilkin proqnoz göstəriciləri ilə müqayisədə neft-qaz sektoru üzrə gəlirlərin 1 milyard 442,7 milyon manat və ya 8,9 %, qeyri-neft-qaz sektoru üzrə isə 1 milyard 673,8 milyon manat və ya 11,6 % artması gözlənilir. Bütövlükdə dövlət büdcəsi gəlirlərinin tərkibində qeyri-neft-qaz üzrə gəlirlərinin xüsusi çəkisi ilkin proqnoz göstəricisinə nisbətən 0,7 % bənd artaraq 47,7 % təşkil edəcək.
