İlk fransız ordusu Nigeri tərk edib.
Gununsesi.info xəbər verir ki, bu barədə AFP agentliyi Fransa Silahlı Qüvvələrinin Baş Qərargahına istinadən məlumat yayıb.
“İlk qoşunlar geri çəkildi”, agentliyin Fransa Baş Qərargahına istinadən məlumatında deyilir.
Qeyd olunur ki, Fransa qoşunlarının çıxarılması “plana uyğun olaraq koordinasiya davam edir”. Nigerdə təxminən 1,4 min fransız hərbi qulluqçusu var.
Bazar ertəsi Vətənin Qurtuluşu üzrə Milli Şura (Nigerin müvəqqəti hökuməti) Fransa qoşunlarının ölkədən çıxarılmasına oktyabrın 10-da başlanılacağını bildirib.
Oktyabrın 6-da Əl-Cəzirə telekanalı mənbələrə istinadən xəbər verdi ki, Fransa oktyabrın 9-da Nigerdən qoşunlarını çıxarmağa başlayacaq. Fransa silahlı qüvvələrinin komandanlığı hərbi kontingentin Nigerdən kənarda müvəqqəti yerləşdirilməsinin yerini müəyyən edib. Qoşunlar Fransanın Saheldəki qüvvələrinin qərargahının yerləşdiyi qonşu Çada yerləşdiriləcək. Əl-Cəzirənin qeyd etdiyi kimi, Silahlı Qüvvələr komandanlığının nümayəndələri üsyançılarla məhdud kontingentin çıxarılması proseduru ilə bağlı razılığa gəliblər.
Sentyabrın 24-də Fransa prezidenti Emmanuel Makron səfirin və bir sıra diplomatların Niameydən geri çağırıldığını və üsyançılarla hərbi əməkdaşlıqdan imtina etdiyini açıqlayıb. Paris ilin sonuna qədər Afrika ölkəsindən qoşunlarını geri çəkməyi planlaşdırır.
Səid Əhmədli
Gununsesi.info
