“Ermənistan rəhbərliyi anlayır ki, Zəngəzur dəhlizi olmadan Ermənistanın Türkiyə, Azərbaycan, Qərb və Çinlə heç bir iqtisadi əlaqə olmayacaq”.
Gununsesi.info xəbər verir ki, bu sözləri türkiyəli politoloq Engin Özer Oxu.Az-a açıqlamasında bildirib.
“Düşünürəm ki, Nikol Paşinyana ultranasionalistləri nəzarətə götürmək üçün bir az daha vaxt lazımdır. Sonra Zəngəzur dəhlizinin açılması ilə bağlı elan olacaq”.
O bildirib ki, digər məsələ Rusiya faktorudur:
“Rusiya bu nəqliyyat dəhlizinin açılmasında nə dərəcədə maraqlıdır və Moskva Ermənistana necə təsir edə bilər?”
Türkiyəli politoloq vurğulayıb ki, Zəngəzur dəhlizi Ermənistanın öhdəliyidir:
“Nikol Paşinyan sənədə öz imzasını çəkib, bu da o deməkdir ki, kommunikasiyalar açılacaq. Nə zaman olacağı isə başqa sualdır. Hesab edirəm ki, məsələnin praktiki həlli il yarımdan sonra başlayacaq”.
