78 saylı Lerik seçki dairəsindən namizəd Hüseynov Babək Meyxos oğlu izdihamlı görüşlərini davam etdirir. Verilən məlumata görə deputatlığa namizəd yanvar ayının 30-da öncədən nəzərdə tutulmamasına baxmayaraq, ağsaqqal və ziyalıların çox saylı dəvəti ilə Amburdərə və Barzavu kəndlərdə seçiciləri ilə görüşüb. Deputatlığa namizəd onu kəndlərinin girişində qarşılayan əhaliyə səmimi dəvət üçün dərin minnətdarlığını bildirib. “Doğma Lerikimizin hər bir kəndi, hər bir yaşayış məntəqəsi bizim üçün əziz və qiymətlidir ”, – deyə əlavə edib.
Səmimi çay süfrəsi arxasında davam edən görüşə kənd ağsaqqal və ziyalılar da qatılıblar.
COMMENTS