Biz müharibə istəmirik, lakin səbr kasamız dola bilər -Ülviyyə Həmzəyeva

Bunu Gununsesi.info-ya açıqlamasında Milli Məclisin deputatı Ülviyyə Həmzəyeva Ermənistan rəsmilərinin Azərbaycanın Qarabağda humanitar fəlakət yaratması və guya, Ermənistana hücuma hazırlaşacağı ilə bağlı bəyanatlarını şərh edərkən deyib:

“Belə ki, Azərbaycan tərəfi sülh istədiyi halda, yardım əlini uzadaraq “Qızıl Aypara” cəmiyyəti vasitəsi ilə də yardım göstərmək istəyir. Ermənilərin yardımı qəbul etmədiyi təqdirdə, Azərbsycan tərəfi Rusiyanın “Qızıl Xaç” tərəfindən göndərdiyi yardımı keçirməyə belə icazə verib. Bəlkədə hər gün Ermənistan tərəfi Azərbaycanın mövqelərini, dinc əhalinin yaşadığı əraziləri atəşə tutur.

Bu provalativ hərəkətləri isə Azərbaycanın adına yazmaq istəyir. Bu dözülməzdir və Azərbaycanın da səbri var! Hələ biz, Ermənistan silahlı qüvvələri və qeyri-qanuni erməni silahlı dəstələri tərəfindən Azərbaycan torpaqlarında basdırılmış minaların insan həyatına təhlükəsi haqqında demirik. Demək olar ki, hər gün azad olunmuş ərazilərdə qanunsuz erməni silahlı dəstələrinin kəşfiyyat-diversiya qrupu tərəfindən təxribat məqsədilə basdırılmış minalara düşərək insanlar xəsarət alıb, həyatlarını itirirlər.

Təəssüf ki, dəfələrlə tələb edilməsinə baxmayaraq, Ermənistan tərəfi minalanmış ərazilərin dəqiq xəritələrini ölkəmizə təhvil vermir. Beynəlxalq ictimaiyyət, nüfuzlu beynəlxalq təşkilatlar mina terroru ilə əlaqədar Ermənistana təsir göstərərək minalanmış ərazilərin xəritələrini təqdim etməsi üçün ermənistana təzyiq və imzalanmış sənədlərin bəndinə riayət etmələri üçün məcbur etməlidir. Ermənistanın yalanlarını dərindən bilən, onunla dost olan ölkələr, artıq bu toplumu ifşa edərək, təkzib edir. Biz müharibə istəmirik! Lakin Azərbaycanın da səbr kəsası dola bilər”.