သြဂုတ်၃၁၊ ၂၀၂၆။ ဟာနာဆန်/People’s Spring
မုံရွာမြို့မှာ ဩဂုတ်၃၀ရက် ညက မီးလောင်ကျွမ်းမှုဖြစ်ပွားခဲ့ရာ အသက် ၈၀ ကျော်အရွယ် အဘိုးအို ၁ ဦး နေအိမ်အတွင်းပိတ်မိပြီး မီးလောင်သေဆုံးခဲ့ကြောင်း ဒေသခံတွေက ပြောပါတယ်။
မနေ့က ည ၁၁နာရီခန့်က မုံရွာမြို့၊ ချမ်းမြဝတီရပ်ကွက်၊ မနောသုခလမ်းမှာ မီးလောင်မှုဖြစ်ပွားခဲ့တာလို့ ဒေသခံအချို့က ပြောပါတယ်။
“အဘိုးကတော့ တစ်ကိုယ်လုံးနီးပါး လောင်သွားတယ်ပြောတယ်။ မီးလောင်ပေမယ့် ထွက်မကြည့်ရဲဘူး။ မုံရွာအခြေအနေကဆိုးနေတော့”လို့ မြို့ခံတစ်ဦးက ပြောပါတယ်။
Public Service Announcement
အဆိုပါမီးလောင်ကျွမ်းမှုဟာ နေအိမ်တစ်အိမ်က ဆိုလာစနစ်နဲ့ အသုံးပြုတဲ့ ဘက်ထရီ အပူလွန်ကဲရာကနေ ဖြစ်ပွားခဲ့တာလို့ မီးသတ်က ဆိုပါတယ်။ အဲဒီမီးလောင်မှုကြောင့် နေအိမ် ၃ လုံးပျက်စီးပြီး မိသားစုဝင်တွေ လက်တလောနေထိုင်စားသောက်ရေး ခက်ခဲနေတယ်လို့ သိရပါတယ်။
