Gəncə Ağır Cinayətlər Məhkəməsində dunyaninsesi.az saytının rəhbəri Ərşad İbrahimovun cinayət işi üzrə məhkəmə prosesi keçirlib.
Gununsesi.info-nun xəbərinə görə, hakim Natiq Əliyevin sədrliyi ilə keçirilən prosesdə Gəncədəki “Şah Sarayı” restoranının sahibi Elfaq Əliyev və “Sağlam Ruh” MMC-nin sahibi Rüstəm Məmmədov ifadə verib.
Elfaq Əliyev ifadəsində bildirib ki, Ərşad İbrahimovu tanımır, heç bir zaman hər hansı bir ünsiyyəti olmayıb: “Mən oranı icarəyə vermişəm. Mənə dedilər ki, hansısa saytda yazı gedib. Sonradan eşitdim ki, bir neçə nəfər restoranda təxminən 400 manatlıq yeyib-içib”.
Proses zamanı hakim və dövlət ittihamçısı Elfaq Əliyevə yönləndirici suallar versə də o, növbəti dəfə Ərşad İbrahimovun ondan hədəq-qorxu ilə pul tələb etmədiyini deyib.
“Sağlam Ruh” MMC-nin sahibi Rüstəm Məmmədov isə məhkəməyə ifadəsində “Bandotdel”ə aparıldığını və orada ona Ərşad İbrahimovla bağlı suallar verildiyini deyib.
O da istintaqdakıə ifadəsini təkzib edərək, Ərşad İbrahimovla nə canlı nə də telefon vasitəsilə danışdığını deyib.
Hər iki iş üzrə şahid qismində dindirilən jurnalist Qalib İbrahimli bildirib ki, onu da DİN-nin Baş Mütəşəkkil Cinayətkalığa Qarşı Mübarizə İdarəsinə aparıbılar: “Məni gecə evimdən apardılar. İdarəyə gedənə qədər nə üçün aparıldığımı bilmədim. Məni məcbur etdilər ki, jurnalistin əleyhinə ifadə verim. Ərşad İbrahimov nə Elfaq Əliyevdən, nə də Rüstəm Məmmədovdan hədə-qorxu ilə pul tələb etməyib”.
Porsesdə çıxış edən jurnalistin vəkili Zabil Qəhrəmanov istintaqın zərərçəkən kimi təqdim etdiyi şəxslərin çıxışına istinad edərək, jurnalistin qanunsuz həbs olunduğunu deyib: “Nə vaxtdan qonaqlıq hədə-qorxu ilə tələb etmək cinayəti olub? Burada hər şey çılpaqlığı ilə ortadadır”.
Elmar
Gununsesi.info
