Türkiyə Milli Kəşfiyyat Təşkilatı (MİT) “Pençe-Kilit” əməliyyatı zonasında silahlı hücuma hazırlaşan xüsusilə təhlükəli PKK terrorçusu Cahit Aktayı zərərsizləşdirib.
Gununsesi.info xəbər verir ki, Türkiyə təhlükəsizlik mənbələrinin məlumatına görə, kod adı “Hüseyn Piran” olan terrorçu Türkiyənin terrorçular siyahısında (narıncı kateqoriya) olub. Aktayın cinayətləri arasında 2016-cı ildə Şırnak vilayətində 3 əsgər və 2 mühafizəçinin ölümünə səbəb olan terror aktı planlaşdırması da var.
Uzun illər aparılan kəşfiyyat fəaliyyəti nəticəsində terrorçunun yeri müəyyən edilib. Silah və sursat təhvil vermək üçün silahlılarla birlikdə “Pençe-Kilit” əməliyyat bölgəsinə gələn Aktay Türkiyə xüsusi xidmət orqanlarının təşkil etdiyi əməliyyat zamanı məhv edilib.
Terrorçu 2008-ci ildə PKK sıralarına qoşulub, 2009-2012-ci illərdə İraqın şimalındakı Qəndil bölgəsində terror fəaliyyəti ilə məşğul olub.
2015-ci ildə Kato bölgəsində PKK-nın “logistik fəaliyyətinə cavabdeh” bir silahlı təyin edilib. 2018-ci ildə İraqın Mahmur bölgəsində bölməyə “rəhbərlik” edib, 2019-cu ildə isə Metin bölgəsində RKK-nın maliyyə və maddi-texniki təminatına cavabdeh olmağa başlayıb.
Gununsesi.info
