Yeni Azərbaycan Partiyasının təşəbbüsü ilə 8 Noyabr – Zəfər Gününə həsr olunan “Qarabağ Azərbaycandır!” adlı fləşmob Gəncə şəhərindən start götürüb.
Publika.az-ın yerli bürosunun verdiyi məlumata görə, fləşmob Gəncə Şəhər İcra Hakimiyyətinin dəstəyi və Yeni Azərbaycan Pariyasının Gəncə şəhər Təşkilatının təşkilatçılığı ilə reallaşıb.
Heydər Əliyev meydanında baş tutan fləşmobda əsasən qazilər və şəhərdə fəaliyyət göstərən universitet və kolleclərin tələbə gənclər təşkilatlarının fəal üzvləri yaxından iştirak ediblər.
İki minə yaxın gənc Azərbaycan Repsublikasının xəritəsi və içərisində “Qarabağ Azərbaycandır!” yazısı olan canlı simvol yaradıblar.
Qeyd edək ki, Yeni Azərbaycan Partiyasının təşəbbüsü ilə başlanan fləşmob ölkənin bir sıra bölgələrində davam etdirləcək.
Gununsesi.info
