Emosional zəka, həmçinin EQ adlanır, insanın öz duyğularını, eləcə də başqalarının emosiyalarını müşahidə etmək və anlamaq qabiliyyəti kimi müəyyən edilir. Alimlər emosional zəkanı artıran dörd üsul olduğunu irəli sürürlər.
Gununsesi.info xarici mediaya istinadən xəbər verir ki, bu il dərc olunan məqalədə Corciya Texnologiya İnstitutundan Evonne Iau və Paul Verhaeghen emosional zəkanın öyrədilə bilən bir bacarıq olduğunu vurğuladılar.
Mütəxəssislər yüksək empatiyanın emosional zəkanın ən böyük əlamətlərindən biri olduğunu, özünüz və digər insanlar haqqında nə qədər çox fikir sahibi olsanız, həyatınızın bir o qədər nizamlı olacağını söyləyirlər.
Harvard Biznes Məktəbinə görə, emosional intellektin inkişafı üçün müəyyən addımlar var.
Günün sonunda fikirlərinizi, davranışlarınızı və digər insanlar haqqında müşahidələrinizi yazın:
Hansı fənlərdə uğur qazandınız? Sizi qəzəbləndirən müəyyən insanlar və ya vəziyyətlər varmı və əgər belədirsə, niyə? Bu kimi suallara verəcəyiniz cavablar məlumatlılığınızı artıracaq və ani emosional partlayışların qarşısını alacaq.
Ətrafınızdakı insanlara güclü və zəif tərəflərinizi şərh etməyə icazə verin. Bu, kor ləkələrinizi üzə çıxarmağa kömək edə bilər.
Psychology Today-ə görə, insanların yalnız 10 faizi effektiv şəkildə dinləyir. Daha emosional intellektli olmaq üçün natiqin dediklərinə diqqət yetirməyə çalışın və başınızı tərpətməklə və ya göz təması quraraq onlara qulaq asdığınızı hiss etdirin. Aktiv dinləmə vasitəsilə başqalarının psixi dünyası ilə əlaqə saxlamaq asanlaşır.
Başqalarının duyğularını başa düşmək üçün ilk növbədə öz duyğularını başa düşməlisiniz. Güclü emosiya hiss etdiyiniz zaman bunun nədən qaynaqlandığını düşünün, sizi təhrik edən amilləri nəzərdən qaçırmayın.
Orxan
