Bu gün Bakıda Çoxsəviyyəli Fəaliyyət və Şəhərsalma Pavilyonunun rəsmi açılışı olub.
Gununsesi.info xəbər verir ki, mərasim noyabrın 11-dən başlayaraq noyabrın 22-nə qədər Bakıda keçiriləcək BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində baş tutub.
Açılış lentini Dövlət Şəhərsalma və Arxitektura Komitəsinin sədri Anar Quliyevlə Türkiyənin Ətraf mühit və şəhərsalma naziri Murat Kurum kəsiblər.
“COP29-da Türkiyəni çoxsaylı iştirakçı ilə təmsil edirik. Bütün manelərə baxmayaraq Azərbaycan COP29-u yüksək səviyyədə keçirir. Buna görə ölkənizə təşəkkür edirəm” – deyə M.Kurum qeyd edib.
