Bu gün Türkiyə Böyük Millət Məclisində İsveçin NATO-ya üzvlük məsələsinin müzakirə ediləcəyi gözlənilərkən, Macarıstandan diqqətçəkən bir açıqlama gəlib.
Gununsesi.info xəbər verir ki, Rusiya və Ukrayna arasında müharibə davam edərkən, Finlandiya ilə birlikdə NATO-ya üzv olmaq istəyən İsveçin də üzvlüyü ilə bağlı diqqətəlayiq bir proses baş verib.
Bütün NATO üzvlərinin təsdiq etməli olduğu üzvlük prosesində Finlandiyanın üzvlük təsdiqləndiyi halda, Macarıstan və Türkiyə bəzi səbəblərdən bu prosesi dayandırıb. Həm Türkiyə, həm də Macarıstan nümayəndələrinin bu məsələni müzakirə edəcəyi gözlənilir.
İsveçin üzvlük məsələsinin bu gün Türkiyə Böyük Millət Məclisində müzakirə ediləcəyi gözlənilir. Türkiyə Prezidenti Rəcəb Tayyib Ərdoğan dünənki açıqlamasında İsveçin etdiklərini izlədiklərini deyib.
İsveç səbirsizliklə hər iki ölkədən açıqlama gözləyərkən, Macarıstandan diqqətçəkən açıqlama gəlib. Macarıstan parlamentinin deputatı Aqnes Vaday bildirib ki, İsveçin üzvlüyünün müzakirəsi parlamentin növbəti iclasına daxil deyil. Vadai Macarıstan parlamentinin İsveçin üzvlüyünü müzakirə etməyə hələ hazır olmadığını bildirib.
Bundan əvvəl Macarıstanın baş naziri Viktor Orban Macarıstanda səsvermənin formal xarakter daşıyacağını və komitələr arasında razılıq əldə olunduğunu bildirmişdi.
Gununsesi.info
