İranın dəstəklədiyi husilərin Yəməndə həyata keçirdiyi raket hücumunda biri uşaq olmaqla 3 mülki şəxs həlak olub, 9 mülki şəxs isə yaralanıb.
Gununsesi.ninfo xəbər verir ki, Yəmənin rəsmi xəbər agentliyi SABA-nın məlumatına görə, husilər Taiz əyalətinin Mavza rayonunun Qəzlə əl-Avaşikə bölgəsindəki mülki yaşayış məntəqəsinə raket zərbəsi endirib.
Hücumda 12 yaşlı Nejva Həsən Becas və Məhəmməd əl-Hubeyşi və qardaşı Meryem əl-Hubeyşi həyatını itirib, 9 mülki şəxs yaralanıb.
Xəbərdə yaralılardan bəzilərinin vəziyyətinin ağır olduğu və reanimasiya şöbələrində müalicə olunduğu bildirilib.
Husilərdən insidentlə bağlı heç bir açıqlama verilməyib.
Qeyd edək ki, Yəməndə İranın dəstəklədiyi husilər 2014-cü ilin sentyabrından paytaxt Səna və bəzi bölgələrə nəzarət edir. /APA
