Vəkil Bəhruz Bayramov hazırda Penitensiar Xidmətin Müalicə Müəssisəsinə aclıq aksiyası keçirən Gədəbəy Rayon İcra Hakimiyyətinin keçmiş başçısı, siyasi məhbus Saleh Rüstəmovla görüşüb.
Bu barədə Gununsesi.info-ya vəkilin özü bildirib.
Bəhruz Bayramovun sözlərinə görə, bu dəfə onun yanına Saleh Rüstəmovu kömək vasitəsilə gətiriblər: “Çünki, artıq yeriməyə çətinlik çəkir, vəziyyəti hər gün daha da pisləşir, yaddaşı itir”. Bəhruz Bayramov onu da bildirib ki, Saleh Rüstəmov onun azadlığı üçün aksiya keçirən insanlara da səslənib:
“O bildirdi ki, aksiyada insanalara qarşı zorakılıqlar olur, onlar inzibati qaydada həbs olunur və məndən xahiş etdi ki, onun azadlığı ilə bağlı aksiyalar təxirə salınsın. Çünki o istəmir ki, ona görə başqa insanlar əziyyət çəksin. Bildirdi ki, mübarizəni özü davam etdirir”.
Gununsesi.info
