Ukrayna Rusiyanın ölkədəki ümumi dəyəri 2 milyard dollardan çox olan aktivlərini oğurlamağı planlaşdırır.
Gununsesi.info-nun TASS-a istinadən verdiyi məlumata görə, bunu Rusiya Federasiyası Xarici İşlər Nazirliyinin MDB ölkələri üzrə ikinci departamentinin rəhbəri Aleksey Polişçuk deyib.
Onun sözlərinə görə, Ukrayna tərəfi Rusiyanın iki An-148 sərnişin təyyarəsini müsadirə etmək istəyir ki, bu da “gizli oğurluqdur”. O vurğulayıb ki, Kiyevin planları bununla məhdudlaşmır.
Polişçuk qeyd edib ki, Ukrayna Ali Antikorrupsiya Məhkəməsi Ədliyyə Nazirliyinin şəxsi aktivlərin müsadirə edilməsi ilə bağlı iddiaları üzrə 32 müsbət qərar qəbul edib, daha 6 işə baxılır.
Diplomat əlavə edib ki, dəyəri 2 milyard dollardan çox olan 688 aktiv, o cümlədən onlarla müəssisə, korporativ hüquqlar, yaşayış və qeyri-yaşayış obyektləri, nəqliyyat vasitələri artıq sanksiyaya məruz qalıb.
Gununsesi.info
