Qazaxıstan hakimiyyəti Moskvada Kollektiv Təhlükəsizlik Müqaviləsi Təşkilatında (KTMT) respublikanın daimi nümayəndəliyini açmağı planlaşdırır.
Gununsesi.info xəbər verir ki, bu barədə Kasım-Jomart Tokayevin imzaladığı fərman layihəsində deyilir.
Fevralın 15-dək ictimai müzakirədə olan sənəddə qeyd olunur: “Mən Qazaxıstan Respublikasının Moskva şəhərində (Rusiya Federasiyası) KTMT yanında daimi nümayəndəliyini açmaq qərarına gəlirəm”.
Fərmana dair izahat qeydində bildirilir ki, sənəd təşkilat dövründə Qazaxıstanın Daimi Şuradakı səlahiyyətli nümayəndəsi statusunun KTMT-nin hüquqi bazasına və respublikanın diplomatik xidmət sahəsində qanunvericiliyinə uyğunlaşdırılması məqsədilə hazırlanıb.
Qeyd edək ki, KTMT-yə Rusiya, Ermənistan, Belarus, Qazaxıstan, Qırğızıstan və Tacikistan daxildir.
Gununsesi.info
