Krynki Rusiya Silahlı Qüvvələrinin tam nəzarəti altındadır.
Gununsesi.info xəbər verir ki, bu barədə Rusiya prezidenti Vladimir Putin müdafiə naziri Sergey Şoyqu ilə görüşündə bildirib.
Qeyd edək ki, Krynki Aleşki və Novaya Kaxovka arasında Dneprə axan Krynka çayının sahilində yerləşir və əsas çay yatağından adalarla ayrılır. Dnepr çayının sağ sahilinin bu hissəsi Rusiya Silahlı Qüvvələrinin nəzarətindədir, lakin Ukrayna ordusu bu əraziyə qoşun yeritməyə çalışır.
Putin müdafiə naziri ilə görüşdə nüvə silahının kosmosa yerləşdirilməsi mövzusuna da toxunub.
Putin bildirib ki, Moskva kosmosda nüvə silahının yerləşdirilməsinin qəti əleyhinədir və digər ölkələri mövcud razılaşmalara əməl etməyə çağırıb.
“Bu sual son vaxtlar Qərbdə, o cümlədən ABŞ-da nüvə silahlarının kosmosda yerləşdirilməsi ilə bağlı artan səs-küyə aiddir. Bizim mövqeyimiz aydın və şəffafdır: biz həmişə kosmosda nüvə silahının yerləşdirilməsinin qəti əleyhinə olmuşuq və indi də əleyhinəyik”, – Rusiya prezidenti vurğulayıb.
Daha əvvəl Rusiyanın müdafiə naziri Sergey Şoyqu bildirib ki, Rusiya kosmosda nüvə silahı yerləşdirməyib və yerləşdirməyi planlaşdırmır.
Gununsesi.info
