Daxili İşlər Nazirliyi Baş Dövlət Yol Polis İdarəsi (BDYPİ) sərt karantin rejimini pozaraq Bakıya girişə və çıxışa cəhd edən sürücülərin və cərimələnən şəxslərin sayını açıqlayıb.
Gununsesi.org report-a istinadən xəbər verir ki, BDYPİ-nin şöbə rəisi, polkovnik Kamran Əliyev iyunun 21-i saat 00:00-dan 22-si saat 00:00-dək ölkə ərazisində xüsusi karantin rejiminin qaydalarına əməl etmədikləri üçün İnzibati Xətalar Məcəlləsinin (İXM) 211.1-ci maddəsinin tələbini pozduğuna görə 1 440 nəfərin, İXM-nin 211.2-ci maddəsinin tələbini pozduğuna görə 132 nəfər olmaqla ümumilikdə 1 572 nəfərin inizibati məsuliyyətə cəlb edildiyini bildirib.
O qeyd edib ki, Ələt-Astara, Bakı-Şamaxı və Bakı-Quba yollarında qurulan karantin postlarında hərəkətinə icazə verilməyən 900 nəqliyyat vasitəsinin sürücüsü aşkarlanaraq geri qaytarılıb.
Qeyd edək ki, Bakı, Sumqayıt, Gəncə, Lənkəran, Yevlax, Masallı, Cəlilabad şəhərlərinin və Abşeron rayonu ərazisində xüsusi karantin rejiminin sərtləşdirilməsi ilə bağlı əlavə tədbirlər barədə qərar qəbul edilib.
Qərara əsasən, sərt karantin rejimi 21 iyun saat 00:00-dan 5 iyul saat 06:00-dək davam edəcək.
COMMENTS