Almaniya kansleri Angela Merkel 3.5 milyondan artıq qaçqına sığınacaq vermiş Türkiyəyə yeni maddi yardım edə biləcəklərinə işarə edib.
Gununsesi.org Unikal.org-a istinadən xəbər verir ki, Xorvatiyanın baş naziri Andrey Plenkoviç ilə Zaqrebdə baş tutan mətbuat konfransnda danışan Merkel suriyalı qaçqınlara sığınacaq verən Türkiyəyə bir daha maddi yardım etmək gərəkdiyini açıqlayıb.
Görüşdə kansler Avropa Birliyi sərhədlərinin qorunması çərçivəsində Türkiyə ilə AB arasında imzalanan qaçqın razılaşmasını da nəzərə aldıqlarını bildirib.
Xatırladaq ki, 2016-cı ildə imzalanan razılaşmaya görə, Türkiyəyə qaçqınlar üçün 6 milyard avroluq yardım təminatı verilmişdi. Bu məbləğin 5 milyard 600 milyonu artıq verilib.
COMMENTS