Cəlilabadda külli miqdarda heroin satmaq istəyən şəxs saxlanılıb.
Gununsesi.org DİN-ə istinadən xəbər verir ki, rayon sakini Orxan Vəkilzadə Cəlilabad ərazisində saxlanılıb. Onun üzərinə baxış keçirilən zaman narkotik vasitə olan heroin aşkar olunaraq götürülüb. Əməliyyat tədbirlərinin davamı olaraq şöbənin əməkdaşları tərəfindən O.Vəkilzadənin Cəlilabad rayonu Ə.Məmmədov küçəsində yerləşən evinin həyətindəki saxlanc yerinə baxış zamanı orada 3 ədəd bağlama gizlətdiyi ümümi çəkisi 4 kiloqram 0,70 qram narkotik vasitə olan heroin və 1 ədəd elektron tərəzi aşkar olunaraq götürülüb.
İlkin araşdırma zamanı O.Vəlizadə həmin narkotik vasitəni şəxsiyyəti istintaqa məlum olmayan əvvəldən tanıdığı İran vətəndaşından satmaq məqsədilə aldığını bildirib.
Faktla bağlı saxlanılan şəxs barəsində Cəlilabad RPŞ-nin İstintaq Bölməsində Cinayət Məcəlləsinin müvafiq maddəsi ilə cinayət işi başlanılıb və barəsində məhkəmənin qərarı ilə həbs qətimkan tədbiri seçilib. İstintaq əməliyyat tədbirləri davam etdirilir.
COMMENTS