Danimarka kraliçası Marqret yeni il çıxışında oğlu Şahzadə Frederikə yol açmaq üçün taxtdan imtina etməyi planlaşdırdığını açıqlayıb.
Gununsesi.info xəbər verir ki, Danimarka kraliçası taxt-taca çıxmasının 52-ci ildönümündə, yanvarın 14-də oğlunun yerinə keçəcəyini bəyan edib.
Danimarkanın baş naziri Mette Frederiksen də “Əlahəzrət Kraliçaya Krallığa ömür boyu sədaqətinə və yorulmaz səylərinə görə” təşəkkür edib.
“Yeni ildə vəliəhd şahzadə Frederik kral taxtına oturacaq. Vəliəhd şahzadə Məryəm kraliça olacaq. Yeni bir kral və yeni kraliyət cütlüyü olacaq. Onların bu məsuliyyətə və vəzifəyə hazır olduqlarını bilə-bilə bunu səbirsizliklə gözləyirik”, – deyə bildirilib.
Danimarkanın 83 yaşlı kraliçası II Marqret 1972-ci ildə taxta çıxıb.
Gununsesi.info
