Britaniya hökuməti yeni nəsil nüvə enerjisi ilə işləyən “AUKUS” hücum sualtı qayığı (SSN-A) layihəsi üçün 4 milyard stress (4,6 milyard avro) dəyərində müqavilə imzalayıb. Müqavilə imzalanan şirkətlər arasında layihənin yeni mərhələsini maliyyələşdirəcək “BAE Systems” şirkəti də var.
Gununsesi.info xəbər verir ki, Böyük Britaniyada yerləşən “Rolls-Royce” və “Babcock” şirkətlərinin daxil olduğu müqavilə Çinin Asiya-Sakit Okean regionunda təsirini tarazlaşdırmaq üçün ABŞ, Avstraliya və İngiltərə arasında imzalanan “AUKUS” adlı hərbi ittifaq çərçivəsində imzalanıb.
Müdafiə naziri Qrant Şapps Mühafizəkarlar Partiyasının Mançesterdə keçirilən illik konfransındakı çıxışında deyib ki, “Bu sualtı qayıqlar Kral Donanmasını gücləndirəcək, dənizlər altında strateji üstünlüyümüzü qoruyub saxlamağa imkan verəcək”.
ABŞ, Avstraliya və Böyük Britaniya liderləri keçən mart ayında nüvə enerjisi ilə işləyən (lakin nüvə silahı olmayan) sualtı qayıqlar üçün birgə proqrama start verildiyini elan ediblər. Britaniyanın baş naziri Rişi Sunak həmin vaxt verdiyi açıqlamada müqaviləni tərifləyərək onu “nəsillərin ən mühüm çoxtərəfli müdafiə sazişi” adlandırıb.
Digər tərəfdən, “BAE Systems” tərəfindən edilən açıqlamada SSN-A-nın Kral Donanmasına təklif edilən ən böyük, ən güclü və ən inkişaf etmiş sualtı qayıq olacağı və “Astute” sinifli sualtı qayığın yerini alması nəzərdə tutulduğu ifadə edilib. Böyük Britaniyada yerləşən aerokosmik və müdafiə sənayesi şirkəti də bu sərmayə sayəsində ölkənin şimalındakı Barrow-in-Furnessdə yerləşən obyektdə beş mindən çox adamın işlə təmin olunacağını vurğulayıb.
SSN-A-nın ilk modellərinin 2030-cu illərin sonunda təhvil verilməsi planlaşdırılır. Məlumdur ki, nüvə enerjisi ilə işləyən sualtı qayıqların yerini tapmaq çətindir, uzun müddətə uzun məsafə qət edə bilir və təkmil qanadlı raketləri daşıya bilir.
Səid Əhmədli
Gununsesi.info
