Yəməndə İranın dəstəklədiyi husilərin lideri Əbdülməlik əl-Husi ölkəsinə qarşı hərbi riskə girən hər kəsi “bədəl ödəməklə” hədələyib və ABŞ-ın heç bir hücumunun cavabsız qalmayacağını bildirib.
Gununsesi.info xəbər verir ki, “Əl Məsirə” televiziya kanalına danışan Husi ABŞ-ın ölkəsinə qarşı heç bir hücumunun cavabsız qalmayacağını, ABŞ-ın istənilən hücumuna cavabın 9 yanvarda həyata keçirdikləri əməliyyatla eyni səviyyədə deyil, daha böyük olacağını bildirib.
“Kim bizim xalqımıza müdaxilə etmək və ya hücum etmək istəyirsə, qarşıdurmaya girərək hərbi riskə gedir və bunun əvəzini ödəyəcək. Nəfəsimiz uzundur, xalqımız böyük və uzunmüddətli münaqişələrə tab gətirəcək qədər güclüdür”, – deyə o əlavə edib.
Bu kontekstdə Husi ABŞ və Böyük Britaniyanı “başqa ölkələri Yəmən xalqı ilə münaqişəyə cəlb etməkdə” günahlandırıb və Asiya və Avropa ölkələrini “ABŞ-ın sözlərinə tabe olmamağa” çağırıb.
ABŞ Mərkəzi Komandanlığı (CENTCOM) yanvarın 10-da verdiyi açıqlamada ABŞ və Böyük Britaniyanın Yəməndə husilər tərəfindən Qırmızı dənizə atdığı 18 İHA və 3 raketin vurulduğunu açıqlayıb.
İsrailin Qəzzaya hücumlarına cavab olaraq Yəməndə husilərin ticarət gəmilərinə qarşı son hərəkətlərindən sonra bir çox gəmiçilik şirkəti Qırmızı dənizdəki səyahətlərini dayandırmaq qərarına gəlib.
Husilərin hücumları Aralıq dənizini Qırmızı dənizə birləşdirən, Avropa ilə Asiya arasında ən qısa marşrutu təklif edən və qlobal ticarətin təxminən yüzdə 12-nin həyata keçirildiyi Süveyş kanalından keçidi təhlükə altına alsa da, ticarət gəmilərinə hücumlar Qırmızı dənizdə və şirkətlər tərəfindən verilən ardıcıl qərarlar qlobal iqtisadiyyata təsir edir.
Gununsesi.info
