ABŞ-da hava limanında təhlükəsizlik yoxlaması zamanı şalvarında tısbağa olan sərnişin tapılıb.
Gununsesi.info xarici mediaya istinadən xəbər verir ki, Nəqliyyat Təhlükəsizliyi İdarəsindən (TSA) edilən şərhdə, təhlükəsizlik yoxlamasından keçməyə çalışan sərnişinin hərəkətlərindən şübhələnməsinin ardından ətraflı axtarış aparıldığı bildirilib.
Axtarış zamanı sərnişinin şalvarında gizlədilmiş tısbağa aşkar edilib.
Tısbağanın sağlam olduğu öyrənilərkən, sərnişin haqqında qanuni əməliyyat aparılıb. Səlahiyyətlilər sözügedən heyvanın ev heyvanı kimi tanınan “qırmızı yanaqlı su tısbağası” olduğunu açıqlayıb.
TSA-nın Nyu-Cersi Regional Təhlükəsizlik Direktoru Thomas Carter, “Biz əvvəllər də səyahətçilərin geyimlərində və ya baqajlarında silah, bıçaq kimi təhlükəli əşyaları gizlətməyə çalışdıqlarını görmüşük, lakin bu, ilk dəfədir ki, sərnişin şalvarında canlı tısbağanı gizlədir”,- deyə bildirib.
TSA rəsmiləri sərnişinlərə canlı heyvanların daşınması qaydalarına riayət etməyi xatırladıb.
Hadisə ilə bağlı araşdırma aparılır.
Orxan
