Gəncədə 1 nəfərin güllələnməsi və 2 nəfərin yaralanması ilə nəticələnən kütləvi dava ilə bağlı Baş Prokurorluq və Daxili İşlər Nazirliyi birgə açıqlama yayıb.
Gununsesi.info-nun xəbərinə görə, açıqlamada deyilir:
Gəncədə 1 nəfərin ölümü, 2 nəfərin yaralanması ilə nəticələnən kütləvi dava haqqında açıqlama yayıbnin yaydığı birgə məlumatda qeyd olunur ki, dekabrın 11-i saat saat 20 radələrində Gəncə şəhərində 1980-ci il təvəllüdlü Əli Bayramovun qəsdən öldürülməsi barədə məlumat daxil olub.
Bildirilib ki, aparılmış araşdırmalarla 4 nəfər arasında baş vermiş mübahisə zamanı Əli Bayramov və onun 2000-ci il təvəllüdlü oğlu Ayxanın tanışları 1994-cü il təvəllüdlü Niyazi Bayramov və sonuncunun qardaşı 1986-cı il təvəllüdlü Kamal Bayramova bıçaq xəsarətləri yetirməsinə, K.Bayramovun isə buna cavab olaraq odlu silahdan atəş açaraq Əli Bayramovu qəsdən öldürməsinə əsaslı şübhələr müəyyən edilib.
Prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.
Niyazi və Kamal xəstəxanaya yerləşdirilib, stasionar şəkildə müalicəsi davam etdirilir.
Faktla bağlı Gəncə şəhər prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.
Hazırda iş üzrə istintaq davam edir.
Gununsesi.info-nun araşdırması zamanı isə məlum olub ki, Daşkəsən sakini olan tərəflər yaxın qohum olublar. Davaya səbəb isə aralarında olan pul mübahisəsi olub.
Mais
Gununsesi.info
