Ermənistan ordusunun hərbi qulluqçularını daşıyan avtomobil qəzaya uğrayıb.
Gununsesi.info “Sputnik Armenia”ya istinadən xəbər verir ki, hadisə Qeğarkunik bölgəsində baş verib.
İlkin məlumata görə, Ərtanış kəndi yaxınlığında hərbi “KamAZ” markalı yük maşınının toqquşması nəticəsində iki hərbçi xəsarət alıb.
Məlumatı Ermənistan Müdafiə Nazirliyinin mətbuat katibi Aram Torosyan təsdiqləyib. Onun sözlərinə görə, əsgərlər yüngül xəsarətlər alıblar və onların həyatları üçün təhlükə yoxdur.
Qeyd edək ki, dünən də Ermənistan ordusunun hərbçiləri qəzaya düşüb, dördü ölüb, 20-si yaralanıb.
Gununsesi.info
