“CNN İnternational”da dərc olunan xəbərdə HƏMAS-ın İsrailə hücumlarda istifadə etdiyi silahları haradan əldə etdiyi araşdırılıb.
Gununsesi.info xəbər verir ki, ABŞ Mərkəzi Kəşfiyyat İdarəsinin (CIA) məlumatlarına görə, “Həmas qaçaqmalçılıq və ya yerli istehsal yolu ilə silah istehsal edir”.
İsrail və ABŞ hökumətləri hələ ötən həftəsonu reydlərdə İranın birbaşa rolunun olduğunu müəyyən etməsələr də, ekspertlər Tehranın uzun müddətdir ki, HƏMAS-a hərbi dəstək verdiyini və gizli transsərhəd tunellər və ya qayıqlar vasitəsilə bölgəyə qaçaqmalçılıq yolu ilə silah daşıdığını bildirir.
Vaşinqtondakı Yaxın Şərq İnstitutunun (MEI) Müdafiə və Təhlükəsizlik Proqramının baş elmi işçisi və direktoru Bilal Saab bildirib ki, “İsrail və Misir tərəfindən müntəzəm olaraq pozulmalarına baxmayaraq, HƏMAS-ın tunel infrastrukturu hələ də böyükdür”. “Həmas İrandan tunellər vasitəsilə (Qəzza zolağına) qaçaqmalçılıq yolu ilə gətirilən silahlar aldı. Bu, adətən daha uzun mənzilli sistemləri əhatə edirdi”, – deyə o əlavə edib.
HƏMAS-ın yüksək rütbəli rəsmisi “Russia Today”in ərəb xəbər kanalı RTArabic-də silah istehsalının təfərrüatını paylaşıb. Söz mövzusu müsahibədə HƏMAS rəsmisi silah zavodlarının olduğunu deyib. “Bizim minaatan və güllə istehsal edən zavodlarımız var. Silah və güllə istehsalı mərkəzlərimiz də var. Biz güllələri rusların icazəsi ilə istehsal edirik”, – deyə o bildirib.
Qəzzada dünyanın əksər hissəsində silah istehsalını dəstəkləmək üçün ağır sənaye yoxdur. CIA Factbook-a görə, regionda ən güclü sənayelər tekstil, qida emalı və mebeldir.
ABŞ Hərbi Hava Qüvvələrinin Yaxın Şərq məsələləri üzrə analitiki Aaron Pilkinqton ötən həftənin şənbə günü qeyd edib ki, belə qısa müddət ərzində bu qədər çox sursat atmaq HƏMAS uzunmüddətli perspektivdə həm qaçaqmalçılıq, həm də istehsal yolu ilə böyük arsenal toplayıb.
Aaron hücumların planlaşdırılmasında heç bir kənar dəstəyi qeyd etməyib. Aaron, həmçinin Həmas-ın qəfil hücumunun İsraili hazır vəziyyətə gətirdiyini qeyd edərək, bildirib ki, “Raketlərin atılması əslində hücumun ən sadə hissəsidir”. “Təəccüblü olan odur ki, İsrail, Misir, Səudiyyə Ərəbistanı kəşfiyyatından yayınarkən gizli şəkildə minlərlə raket atdı. HƏMAS üçün İran olmadan bunları etmək çətindir”, – deyə o qeyd edib.
Səid Əhmədli
Gununsesi.info
