İtaliyanın baş naziri Giorgia Meloni İnstaqramda milyonlarla izləyicisi olan sosial media fenomeni Chiara Ferraqni ilə çox sərt danışıb.
Gununsesi.info xəbər verir ki, Meloni bazar günü Romada keçirilən tədbirdə siyasi rəqiblərinə və onun sağçı hökumətinə qarşı düşmən münasibəti ilə tanınan ictimai xadimləri üstüörtülü tənqidlərlə gündəmə gətirib.
İtaliya istehsalçılarını tərifləyən Meloni İnstaqramda 29,7 milyon izləyicisi olan və Milad tortları üçün aldadıcı reklam kampaniyasına görə keçən həftə cərimələnən ölkənin aparıcı sosial media təsirçisi Chiara Ferraqnini də hədəfə alıb.
Ferragninin adını çəkmədən Meloni deyib ki, “İzlənəcək əsl modellər paltar geyinərək çox pul qazanan təsirli şəxslər deyil… hətta insanları xeyriyyəçi olduqlarına inandıran bahalı tortları təbliğ edənlər deyil”.
Rəqabət orqanı 36 yaşlı Ferraqninin nəzarətində olan şirkətləri Milad bayramında istehsal olunan və satılan panetton tortlarına xərclədikləri pulun bir hissəsinin Turin xəstəxanasında sümük xərçəngi xeyriyyəçiliyinə gedəcəyinə inandıraraq alıcıları yanıltdıqlarına görə təxminən 1,1 milyon avro cərimələyib. İstehsalçı “Balocco” Ferraqni tərəfindən dəstəklənən tortu satışa çıxarmazdan əvvəl 50.000 avro ödəmə edib, lakin daha sonra heç bir ödəniş etmədiyi üçün 420.000 avro cərimə edilib. Ferraqni və “Balocco” qərara etiraz ediblər.
Meloni İtaliyanın Qardaşları Partiyasının festivalındakı çıxışında deyib: “Əsl model, mükəmməl İtalyan məhsullarını icad edən, dizayn edən və istehsal edən və qlobal bazarda rəqabət aparanlardır, çünki biz ən yaxşıyıq”.
Ferraqninin həyat yoldaşı, 34 yaşlı Fedez Melonun açıqlamalarına sərt cavab verib. “Meloni ölkənin problemlərindən danışmaq əvəzinə deyir ki, biz internetdən pul qazananlara etibar etməməliyik. Siz siyasətçilər əslində nə etmisiniz? Biz sizə etibar edə bilmərik”, – Fdeyə edez bildirib.
Ferraqni normalda 4 avroya satılan, lakin Ferraqni ilə əməkdaşlıq sayəsində 9 Avroya satılan “Pandoro Pink Christmas” tortlarından əldə edilən gəliri bağışlamamaqdan da geri addım atıb. İzləyicilərinə yazdığı bir yazıda Ferraqni “kommersiya fəaliyyətini xeyriyyəçilik fəaliyyəti ilə əlaqələndirməklə yaxşı niyyətli səhvə yol verib” deyib. Sosial media fenomeni göz yaşları içində qərardan apellyasiya şikayəti verəcəyini və bu cəzanın qeyri-mütənasib və ədalətsiz olduğunu bildirib.
Gununsesi.info
