“Avropa İttifaqı Ukraynaya müdaxiləyə cavab olaraq tətbiq edilən sanksiyalara görə öz ərazisindəki rus mədəniyyət mərkəzlərinin hesablarını dondurub”.
Gununsesi.info xəbər verir ki, bunu “Rossotrudniçestvo”nun rəhbəri Yevgeni Primakov TASS-a müsahibəsində deyib.
O, bildirib ki, rəhbərlik etdiyi quruma qarşı analoji tədbirlər aparılır: “Avropa İttifaqında biz sanksiyalar altındayıq. Onlar hansı yurisdiksiyaya aid olduqlarını, diplomatik toxunulmazlığa malik olub-olmadığını nəzərə almadan Rossotrudniçestvo-nun hesablarını, mədəniyyət mərkəzlərinin hesablarını bloklamayıblar”.
Onun sözlərinə görə, məhdudiyyətlər Rusiya Federasiyasının səfirliyinin mədəniyyət şöbəsi kimi qeyd olunan qurumlara da şamil edilib.
Eyni zamanda, Primakov qeyd edib ki, bütün prioritetlərə görə Rossotrudniçestvo, hətta Ukrayna ilə müharibə başlamazdan əvvəl öz resurslarını qonşu ölkələrə köçürməyə başlayıb:“Əgər Lüksemburqda birdən-birə humanitar təsirimizi itirsək, bu bizim üçün çox üzücü olacaq. Düşünürəm ki, yenə də öhdəsindən gələrik.”.
O, həmçinin bildirib ki, Rossotrudniçestvo xaricdə yaşayan ruslar üçün vətəndaşların elektron kartı üzərində işləməyə davam edir. O, layihənin məqsədinin öz vətənləri ilə əlaqələrini qorumaq olduğunu açıqlayıb.
Qeyd edək ki, Aİ 2022-ci ilin iyulunda təsdiqlənmiş yeddinci sanksiyalar paketinin bir hissəsi kimi Rossotrudniçestvo-nu qara siyahıya salıb. Bundan sonra Primakov agentliyin Danimarka, Polşa, Rumıniya, Şimali Makedoniya, Slovakiya, Sloveniya, Xorvatiya, Monteneqro və Çexiyada fəaliyyətini dayandırdığını açıqlayıb. Bir sıra ölkələr Rusiya mədəniyyət mərkəzlərinin fəaliyyətinin dondurulması qərarını bu qurumların Rusiya Federasiyasının Ukraynadakı hərbi cinayətlərinin təbliğatı, dezinformasiyası və bəraət qazanması ilə əlaqələndirirlər.
Şəbnəm
Gununsesi.info
