Xəbər verdiyimiz kimi, Avropa Şurası Parlament Assambleyasının (AŞ PA) qış sessiyasında Azərbaycan nümayəndə heyətinin mandatının təsdiqlənməsi sual altına düşüb.
Buna səbəb isə Almaniyadan olan deputat Frank Şvabenin təşəbbüsü ilə 30 AŞ PA üzvünün Monitorinq Komitəsinə müraciət etməsi olub.
Həmin deputatlar Azərbaycanda son həbsləri və prezident seçkilərinə AŞ PA-nın dəvət olunmamasını əsas gətirərək nümayəndə heyətimizin mandatının təsdiqlənməməsini tələb edir.
Məsələ ilə bağlı Gununsesi.info-nun əməkdaşı Azərbaycanın AŞ PA-dakı nümayəndə heyətinin rəhbəri Səməd Seyidova dəfələrlə zəng edib. Hər dəfə vaxtının olmadığını əsas gətirən Səməd Seyidov yaranmış vəziyyəti şərh etməkdən yayınıb.
Nümayəndə heyətinin digər üzvləri Nigar Arpadarai və Sevinc Fətəliyeva da AŞPA da baş verənlər haqqında danışmaqdan imtina edib.
Hər iki deputat müxtəlif bəhanələrlə suallarımızdan yayınıb.
Gununsesi.info
