Şərqi Almaniyanın Frankfurt an der Oder şəhərinin prokurorluğu ifrat sol ətraf mühit fəallarının Berlin yaxınlığındakı “Tesla” zavodunu enerji ilə təmin edən elektrik şəbəkəsinə son hücumu ilə bağlı istintaqa başlayıb.
Gununsesi.info-nun xarici KİV-ə istinadən xəbərinə görə, departamentin sözçüsü hadisə ilə bağlı istintaqın “bütün cəbhələrdə” irəlilədiyini və bunun ictimaiyyətə zərər verən infrastrukturu təxrib etmək cinayətini ehtiva etdiyini söyləyib.
Brandenburqda elektrik qülləsinə hücum edilib və “Tesla” zavodunda elektrik enerjisi kəsilib.
Berlinin bir sıra bölgələrində minlərlə ev də işıqsız qalıb.
Məlumata görə, Almaniya Federal Prokurorluğu da məsələ ilə bağlı məlumatlandırılıb və istəsə və ya ehtiyac görərsə, istintaqı nəzarətə götürmək hüququna malik olacaq.
Hücuma görə məsuliyyəti solçu ekstremist “Volcano Group” qruplaşması öz üzərinə götürüb. Lakin hücum edənlərin dəqiq şəxsiyyətləri hələ müəyyən edilməyib.
Fəallar hücumun “Tesla”nın işçilərə və ətraf mühitə münasibətinə cavab olduğunu bildiriblər. “Tesla” zavodu genişlənməyə hazırlaşır və bu, bölgənin meşələrini və su təchizatını təhdid etdiyini söyləyən ətraf mühit fəalları arasında narahatlıq yaradır.
“Tesla”nın baş direktoru İlon Mask sosial mediada yazıb ki, zavodun enerji təchizatının yandırılması ehtimalı “son dərəcə axmaqlıqdır”.
Hücumun şirkətə yüz milyonlarla avroya başa gələcəyi gözlənilir.
Xatırladaq ki, çərşənbə axşamı məlum olub ki, polis elektrik dirəyinin alışmasından sonra yanğınla bağlı ilkin şübhəni araşdırır.
Gununsesi.inf
