မကွေးတိုင်း ပခုက္ကူမြို့ပေါ်တွင် စစ်ကောင်စီတပ်၏ အရာခံဗိုလ်အဆင့်ဖြင့် နှုတ်ထွက်ထားသူ ဦးရဲတင့်ဆိုသူကို အမည်မသိ တော်လှန်ရေးအဖွဲတစ်ခုက သေနတ်ဖြင့်ပစ်ခတ်သွားခဲ့ကြောင်း ဒေသခံသတင်းရင်းမြစ်များက ပြောသည်။
ယနေ့(နိုဝင်ဘာ ၁၈)နံနက် ၉ နာရီကျော်က ပခုက္ကူမြို့ (၁၉)လမ်း၊ အမှတ် (၁၁)နေ ဦးရဲတင့်ဆိုသူကို လူတစ်စုက သေနတ်ဖြင့် သုံးချက်ပစ်ခတ် ခဲ့ရာ သေဆုံးသွားသည်ဟု ဆိုသည်။
“သေသွားပြီဗျ။ သေနတ်ဒဏ်ရာ သုံးချက်နဲ့။ အပစ်ခံရပြီး ဆေးရုံပို့ပေမယ့် အသက်မမှီဘူး”ဟု ပခုက္ကူဒေသခံသတင်းရင်းမြစ်တစ်ဦးက ပြောသည်။
ပစ်ခတ်ခံရ၍ သေဆုံးသွားသူသည် ပခုက္ကူအခြေစိုက် အမှတ်(၁၀၁)တပ်ရင်းတွင် အရာခံဗိုလ်အဆင့်ထိ တာဝန်ထမ်းဆောင်ခဲ့သူဖြစ်ပြီး လက်ရှိတွင် လည်း စစ်ကောင်စီတပ်နှင့် နီးစပ်သည့်ဆက်ဆံရေးရှိကြောင်း ဒေသခံများထံမှ သိရသည်။
