Ukrayna və ABŞ hökumətləri ticari əməkdaşlıq haqqında memorandum imzalayıb.
Gununsesi.info xəbər verir ki, bu barədə Ukrayna Prezidentinin mətbuat xidməti məlumat yayıb.
Sənəd Ukrayna Prezidenti Vladimir Zelenskinin ABŞ-a səfəri çərçivəsində imzalanıb.
Memorandum Amerika şirkətlərinin Ukraynada və Ukrayna şirkətlərinin Amerikada ticari iştirakını təşviq edir, Ukrayna və ABŞ-da rifahı, təhlükəsizliyi və iqtisadi artımı gücləndirmək üçün iki ölkənin qarşılıqlı marağını həyata keçirməyi hədəfləyir.
Müqavilələrə əsasən, tərəflər kommersiya layihələri hazırlamağı və həyata keçirməyi, həmçinin Ukrayna və ABŞ-da dövlət satınalmalarında iştirak etməyi planlaşdırırlar.
Gununsesi.info
