Bu gün Azərbaycan kubokunda yarımfinal qarşılaşması keçirilib.
Gununsesi.info xəbər verir ki, tovuzluların üstünlüyü şəraitində keçən oyunda ilk yarıda hesab açılmayıb. İlk hissədə hakim “Neftçi” futbolçularına iki sarı vərəqə göstərib. Qarşılıqlı hücum şəraitində keçən oyunun ikinci yarısında “Turan” hesabı açıb: 1-0.
Qolu “Turan”ın Moldova əsilli oyunçusu Denis Marandiç atıb.
Bundan sonra basqılarını artırmağa çalışan Bakı təmsilçisi final yolunda üstünlük qazanmaq istəsə də, qarşılaşma Tovuz təmsilçisinin qələbəsi ilə tamamlanıb.
Hakim Rəşad Əhmədovun idarə etdiyi oyun zamanı “Turan” azarkeşləri möhtəşəm bir atmosfer yaradıblar.
Susmaq bilməyən azarkeşlərin psixoloji və ruhlandırıcı dəstəyi sayəsində Tovuz təmsilçisi finalı yolunda önəmli bir qələbə qazanaraq adını tarixə yazdırıb.
Hakimlər: Rəşad Əhmədov, Vüsal Məmmədov, Rəhman İmami, Tural İbrahimov
Tovuz şəhər stadionu
5500 tamaşaçı
Arzu Sayadoğlu
