ABŞ-ın keçmiş prezidenti Donald Trampın daha əvvəl “E. Jean Carroll” adlı qadına təcavüz və təhqirdə ittiham olunaraq təzminat ödəməyə məhkum edildiyi məhkəmənin davamı olan “zərərin” Nyu-York məhkəməsində münsiflər heyətinin seçilməsi ilə başlayıb.
Gununsesi.info xəbər verir ki, Trampın da qatıldığı dinləmədə keçmiş prezidentin nə qədər təzminat ödəyəcəyinə dair 9 nəfərlik jüri heyəti müəyyənləşib.
Münsiflər heyətinin seçilməsindən sonra iclasda açılış ifadələri başlayıb, Tramp isə Nyu-Hempşirdəki seçki kampaniyası üçün məhkəməni tərk edib.
Tramp sosial media hesabındakı paylaşımında işə sədrlik edən hakimi tənqid edərək, onu “Trampa nifrət edən radikal solçu” adlandırıb və işi siyasi motivli cadugər ovu kimi tənqid edib.
İşin açılışında çıxış edən Kerrollun vəkili Şon Krouli Trampın müvəkkilini ləkələməyə davam etdiyini müdafiə edib və “Səssiz qalmaq üçün nə qədər pul ödəməlidir?” sualını verib.
Trampın vəkili Alina Habba da Kerrollun Tramp vasitəsilə şöhrət qazanmağa çalışdığını müdafiə edərək, “Onun karyerası uğurlu olub və həmişə istədiyi kimi yenidən diqqət mərkəzinə düşüb” deyib.
Gununsesi.info
