Fransa Ukraynaya ianə və ya satınalma yolu ilə silah ötürməkdənsə, bu ölkədə daha çox silah istehsal etməyi öhdəsinə götürür.
Gununsesi.info xəbər verir ki, bu barədə Fransanın Ukraynadakı səfiri Qael Veissyer “Franceinfo”ya müsahibəsində bildirib.
“Fransanın Ukraynaya dəstəyi tədricən onun xarakterini dəyişəcək, çünki məqsəd Ukraynada daha çox silah istehsal etməkdir, nəinki ianə və ya satınalma”, o deyib.
Parisin Kiyevə hərbi texnikanın tədarükü ilə bağlı dəstəyinin davam edəcəyini əmin edən o, əlavə edib ki, bir strategiyadan digərinə keçmək üçün müəyyən vaxt lazımdır.
“Üstəlik, bu baxış siyasi səviyyədə, xüsusən də Ukraynaya müntəzəm səfər edən və artıq bu ölkəyə beş dəfə səfər etmiş Ketrin Kolonna tərəfindən dəstəklənir”, – səfir qeyd edib.
Səfir xarici işlər nazirinin Ukraynaya səfərə hazırlaşdığını deyib.
“Biz indi Ketrin Kolonnanın yaxın günlərdə baş tutacaq altıncı səfəri üzərində işləyirik. Hələlik tarix deyə bilmərəm, amma yaxın günlərdə olacaq”, – deyə o bildirib.
Bundan əvvəl Berlində Fransa və Almaniyanın sədrliyi ilə Ukraynanın inteqrasiya olunmuş hava və raketdən müdafiə koalisiyasının iclası keçirilib.
Fransa Senatının Xarici İşlər, Müdafiə və Silahlı Qüvvələr Komitəsinin nümayəndə heyəti Ukrayna və Polşaya səfərindən sonra Rusiyanın təcavüzünə qarşı müqavimət göstərmək üçün Kiyevə hərbi yardımı artırmağa çağırıb.
Bundan əvvəl Fransanın 2024-cü ildən ukraynalı pilotların Qərb qırıcıları üzərində təliminə qoşulacağı bildirilirdi.
Eyni zamanda, Fransa prezidenti Emmanuel Makron Ukraynaya Rusiya Federasiyası ilə sülh danışıqlarını “mümkün olan ən yaxşı şərtlər altında” apara bilməsi üçün əlavə dəstək göstərəcəyini vəd edib.
Gununsesi.info
