Rusiyada pandemiyadan vəfat edən şəxs belə dəfn olundu

Rusiyanın Sankt-Peterburq şəhərində bir qəbiristanlıqda koronavirusdan ölən şəxsin dəfni zamanı çəkilən şəkillər gündəmi zəbt edib.

Gununsesi.org xəbər verir ki, “Reuters” agentliyinin fotoqrafı Anton Vaqanov tərəfindən çəkilən şəkillər sosial media istifadəçiləri tərəfindən birmənalı qarşılanmayıb.

Fotoşəkil ilk dəfə “Tass”ın feysbuk səhifəsində paylaşılıb, lakin bir müddət sonra silinib. Bəzi sosial şəbəkə istifadəçiləri tərəfindən fotoşəkillərin həqiqi olmadığı iddia olunub. Daha sonra isə görüntülərin Sankt-Peterburq şəhərində yerləşən “Novoe Kolpinskoe” qəbiristanlığında çəkildiyi məlum olub.

Görüntülərdə koronavirusdan ölən mərhumun yaxınlarından təcrid olunmuş şəkildə dəfn edildiyi əks olunub.