Ötən il xarici müəssisə və təşkilatlar tərəfindən Azərbaycanda əsas kapitala 5 188,9 mln. manat vəsait yönəldilib.
Gununsesi.org-un Dövlət Statistika Komitəsinə istinadən verdiyi xəbərə görə, xarici ölkələr və beynəlxalq təşkilatların vəsaitləri hesabına əsas kapitala yönəldilmiş vəsaitin 4344,7 milyon manatı (83,7%-i) Birləşmiş Krallıq, Lüksemburq, Türkiyə, İsveçrə, ABŞ, Yaponiya, Malayziya, Rusiya, İran, Norveç və Fransa sərmayədarlarına məxsus olub.
Qeyd edək ki, 2019-cu ildə ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 17 184,3 milyon manat və ya əvvəlki illə müqayisədə 2,3% az vəsait yönəldilib.
2019-cu ildə neft-qaz sektoruna yönəldilən vəsait 5 489,5 milyon manat təşkil edib. Qeyri neft-qaz sektorunun inkişafına sərf edilmiş 11 694,8 milyon manatlıq vəsaitin 3139,2 milyon manatı (ümumi sərmayənin 18,3%-i) qeyri neft-qaz sənayesi sektorunda istifadə edilib.
COMMENTS