İsrailin Baş naziri Benyamin Netanyahu İranın neft və qaz obyektlərinə hücumlardan çəkinəcəyinə söz verib.
Gununsesi.info xarici KİV-ə istinadən xəbər verir ki, İsrailin Baş naziri bununla əlaqədar deyib:
“İsrail İranın Asaluyə qaz kompleksinə qarşı təkbaşına hücum edib. Prezident Tramp bizdən gələcək hücumlardan çəkinməyimizi istəyib və biz bunu edəcəyik”, – deyə baş nazir bildirib.
Netanyahu həmçinin deyib ki, heç bir lider “onunla Donald Trampın koordinasiyalı hərəkəti”ni etmir.
O, İsrailin ABŞ-ı münaqişəyə sürüklədiyi iddialarını da təkzib edib.
Daha əvvəl ABŞ prezidenti Donald Tramp İsrailin Baş naziri Benyamin Netanyahuya İranın neft və qaz obyektlərinə hücumlardan çəkinmək barədə xəbərdarlıq etdiyini bildirib. O, bu açıqlamanı Ağ Evdə Yaponiyanın Baş naziri Sanae Takaiçi ilə görüşündə verib.
“Mən ona (Netanyahu) bunu bir daha etməməyi dedim və o, bunu etməyəcək”, – deyə Ağ Ev rəhbəri bildirib. Trampın sözlərinə görə, ABŞ və İsrail müstəqil şəkildə hərəkət edirlər, eyni zamanda səylərini əlaqələndirirlər: “O (Netanyahu) vaxtaşırı bir şey edir və əgər mən bunu bəyənmirəmsə, onda biz bunu etmirik”.
