Bu gün Azərbaycan Premyer Liqasında 29-cu tura start verilib.
Gununsesi.info xəbər verir ki, ilk gündə bir oyun keçirilib.
“Araz-Naxçıvan” “Kəpəz”i qəbul edib. Turnir cədvəlinin alt pillələrində qərarlaşmış komandalar Mərdəkanda üz-üzə gəliblər. Üç qolun qeydə alındığı oyunda qonaqlar əzmkar qələbəyə seviniblər.
Naxçıvan təmsilçisi hazırda 32 xalla 8-ci, Gəncə klubu isə 30 xalla 9-cu sırada qərarlaşıb.
Qeyd edək ki, bu turun “Turan Tovuz” – “Sabah”, “Qarabağ” – “Səbail” oyunları şənbə, “Zirə” – “Qəbələ”, “Neftçi” – “Sumqayıt” matçları isə bazar gününə təsadüf edəcək.
Azərbaycan Premyer Liqası
29-cu tur
5 aprel
“Araz-Naxçıvan” – “Kəpəz” 1:2
Qollar: Miço Kuzmanoviç, 16 – Martins Junior, 54. Mate Kvirkviya, 62.
Gununsesi.info
