2024-cü ildə İtaliya bu vəzifədə Yaponiyanı əvəz edərək Yeddilik Qrupuna sədrlik edəcək.
Gununsesi.info xəbər verir ki, İtaliyanın sədrliyi 2024-cü ilin sonuna qədər davam edəcək və İtaliya illik G7 sammitinə ev sahibliyi edəcək.
2024-cü ildə liderlərin görüşü iyunun 13-15-də Pulia bölgəsində, Adriatik sahilindəki dəbdəbəli Borgo Enazia otelində baş tutacaq.
Xatırladaq ki, “Yeddilik” qrupuna ABŞ, Böyük Britaniya, Fransa, İtaliya, Almaniya, Kanada və Yaponiya, eləcə də birlik kimi Aİ daxildir. Rusiya 2014-cü ildə Krımın işğalından sonra bu formatdan çıxarılıb.
NATO-nun Vilnüs sammiti ərəfəsində bu dövlətlər Ukrayna üçün “təhlükəsizlik təminatları” adlandırılan bəyannamə qəbul ediblər ki, bu da bu məsələ ilə bağlı ikitərəfli razılaşmalar üçün çərçivə olacaq. Bəyannaməyə bir çox başqa ölkələr də qoşulub.
Dekabr virtual sammitindən sonra G7 liderləri Rusiya istehsalı olan brilyantlara məhdudiyyətlər qoymağa söz veriblər, Avropa İttifaqı, Kanada və Britaniya artıq belə addımlar atıb.
KİV xəbər verir ki, müttəfiqlər Rusiyanın Ukraynaya genişmiqyaslı işğalının ikinci ildönümü üçün planı razılaşdırmağa tələsdiyi bir vaxtda ABŞ Yeddilik Qrupundan (G7) işçi qruplarından Rusiyanın dondurulmuş aktivlərindəki 300 milyard dolları müsadirə etməyin yollarını araşdırmağı xahiş edib.
Gununsesi.info
